හීනය දවල්

රෑ හීන හීතලට ගල්ගැසෙයි
ඒ නිසා
වරුවකට කරගැහුව ගෝනි ටික සෙටල් කර
දකින්නට ට්‍රයි කරන හීනය දවල්
යදම් දා බැඳගෙන එක කොනක්
බය නිසා යයි කියා ලිස්සලා

"පුතාලයි දුවලයි
උන් ගේ පැටවුනුයි
එක්ක කරලා සෙල්ලම්
හොඳට කා පොඩ්ඩක් නටා වෙරළේ
එකම එක දවසක්
එකම් එක හවසක්"

කොයි ඉතින්
මොන හීන
රත් කරන් පිටකොටුව
ඩබල් වෙන ගිනි අව්ව
එනවනේ ඉහ උඩට

ඇය

පොත පෙරළීම

ඔව්! උඹත් ඉන්නව!

සින්දු කිව්වත් කවුරුවත් අහන් ඉන් නැතිනිසා
එක්කො අහන් ඉන්න බැරි නිසා
අනුන්ට නොවී කරදරයක්
දැන් වැඩිපුර අහනව
අනිත් අය කියනව
හැබැයි දැන් ඒ
ඇහෙන දේවල් ලියනව

පරිස්සමින් !
"ඒ" ඇතුලෙ උඹ ඉන්නව
ඔව්! උඹත් ඉන්නව!

එළිවැට

එළිවැටෙන් පැනගිය කවිය
නැවත අවුදින් කෑ ගසා හඩන්නට විය
.
.
.
.
ලියන්නට හිතක් නැති
කවියා නිහඬය